ಕೋಟಿ ಕೋಟಿ ಬಂದರೂ ಅರಸರ ಕಲ್ಲಳ್ಳಿ ಅತಂತ್ರ

ಹನಗೋಡು ನಟರಾಜ್ ಹುಣಸೂರು
ನೀರಿಗೆ ಹಾಹಾಕಾರ, ಬತ್ತಿಹೋದ ಕೆರೆಗಳು, ಕಾಂಪೌಂಡ್ ಇಲ್ಲದ ಆಸ್ಪತ್ರೆ, ನಿವೇಶನಕ್ಕೆ ಪರದಾಟ, ಸಿಬ್ಬಂದಿ ಕೊರತೆ ಎದುರಿಸುತ್ತಿರುವ ಪ್ರಾಥಮಿಕ ಆರೋಗ್ಯ ಕೇಂದ್ರ ಹಾಗೂ ಪಶುವೈದ್ಯ ಆಸ್ಪತ್ರೆ, ಅವ್ಯವಸ್ಥಿತ ಗ್ರಾ.ಪಂ.ಕಚೇರಿ, ಶಿಥಿಲ ವಸತಿಗೃಹ...
ಇದು ರಾಜ್ಯವನ್ನು ಎಂಟು ವರ್ಷ ಆಳಿದ ಮಾಜಿ ಮುಖ್ಯಮಂತ್ರಿ ದಿ. ಡಿ.ದೇವರಾಜ ಅರಸು ಹುಟ್ಟೂರು ಕಲ್ಲಹಳ್ಳ್ಳಿಯ ಸ್ಥಿತಿ.  ಅರಸರ ಬಗ್ಗೆ ವೇದಿಕೆ ಗಳಲ್ಲಿ ಹೊಗಳುವ ಪ್ರತಿನಿಧಿಗಳಿಗೆ ಕನಿಷ್ಠ ಅವರ ಹುಟ್ಟೂರನ್ನು ಸಂಪೂರ್ಣ ಅಭಿವೃದ್ಧಿಪಡಿಸುವ ಛಾತಿ ಇಲ್ಲದಿರು ವುದು ದೊಡ್ಡ ದುರಂತ.

ಕುಸಿಯುತ್ತಿದೆ ಬಲದಂಡೆ ಸೇತುವೆ

ವಿಕ ಸುದ್ದಿಲೋಕ ಕೃಷ್ಣರಾಜನಗರ
ದಶಕಗಳ ಹಿಂದೆ ನಿರ್ಮಿಸಿದ ಹಳೆಯ ಸೇತುವೆಯನ್ನು ಕೆಡವಲು ಸಿಡಿಮದ್ದು ಬೇಕು, ಆದರೆ ಅದೇ ಜಾಗದಲ್ಲಿ ಕೇವಲ ತಿಂಗಳ ಹಿಂದೆ ಕಟ್ಟಿಸಿದ ನೂತನ ಸೇತುವೆ ಕೆಡವಲು ಒಂದು ಸಣ್ಣ ಕಬ್ಬಿಣದ ಸರಳು ಸಾಕು...
ಇದು ಗಾದೆ ಮಾತಲ್ಲ. ನಿಜ ವಿಷಯ. ಕಳಪೆ ಕಾಮಗಾರಿಯ ವಿರಾಟ್‌ರೂಪ.  ತಾಲೂಕಿನ ಕಂಚುಗಾರ ಕೊಪ್ಪಲು ಗ್ರಾಮದ ಬಳಿ ಕಾವೇರಿ ನೀರಾವರಿ ನಿಗಮದ ವತಿಯಿಂದ ಸುಮಾರು ೧೦ ಲಕ್ಷ ರೂ. ವೆಚ್ಚದಲ್ಲಿ  ನಿರ್ಮಾಣ ಮಾಡಲಾಗಿರುವ ಸೇತುವೆ ಉದ್ಘಾಟನೆ ಭಾಗ್ಯ ಕಾಣುವ ಮೊದಲೇ ಕುಸಿಯಲಾರಂಭಿಸಿದೆ.

ಕುಸಿಯುತ್ತಿವೆ ತಡೆಗೋಡೆಗಳು

ಹನಗೋಡು ನಟರಾಜ್ ಹುಣಸೂರು
ಮೈಸೂರು ಜಿಲ್ಲೆ  ಹುಣಸೂರು, ಎಚ್.ಡಿ.ಕೋಟೆ ತಾಲೂಕಿನ ಪ್ರಮುಖ ಜಲಮೂಲಗಳಲ್ಲಿ ಒಂದಾದ ಹನಗೋಡು ಅಣೆಕಟ್ಟೆ ಅಪಾಯದ ಗಂಟೆ ಬಾರಿಸುತ್ತಿದೆ. 
ಆದರೆ, ಇದರ ಪರಿವೇ ಇಲ್ಲದ ಜನಪ್ರತಿನಿಧಿ, ಅಧಿಕಾರಿಗಳು ಮೌನ ವಹಿಸಿರುವುದು ರೈತರನ್ನು ಚಿಂತೆಗೀಡುಮಾಡಿದೆ.
ಲಕ್ಷ್ಮಣ ತೀರ್ಥ ನದಿಗೆ ಹನಗೋಡು ಬಳಿ ಸುಮಾರು ೬೦೦ ವರ್ಷಗಳ ಹಿಂದೆ ಅಣೆಕಟ್ಟು ನಿರ್ಮಿಸಲಾಗಿತ್ತು. ಹುಣಸೂರು, ಎಚ್.ಡಿ.ಕೋಟೆ ತಾಲೂಕಿನ ೪೦ ಸಾವಿರ ಎಕರೆ ಅಚ್ಚುಕಟ್ಟ್ಟು  ಪ್ರದೇಶಕ್ಕೆ ನೀರುಣಿಸುತ್ತಿದ್ದರೆ, ೪೦ಕ್ಕ್ಕೂ ಹೆಚ್ಚು ಕೆರೆಗಳಿಗೆ ನೀರು ತುಂಬಿಸಲಾಗುತ್ತಿದೆ.

ಹಳ್ಳ ಹಿಡಿದ ನಾಲೆ ಸೇತುವೆ

ವಿಕ ಸುದ್ದಿಲೋಕ ಕೃಷ್ಣರಾಜನಗರ
ಪಟ್ಟಣ ಸಮೀಪದ ಚಾಮರಾಜ ಬಲದಂಡೆ ನಾಲೆಯ ಸೇತುವೆ ಕುಸಿಯುವ ಹಂತ ತಲುಪಿದೆ.
ಪ್ರತಿವರ್ಷ ನಾಲೆ, ಏರಿ ದುರಸ್ತಿಗಾಗಿ ಲಕ್ಷಾಂತರ ರೂ. ವ್ಯಯಿಸುವ ಅಧಿಕಾರಿಗಳಿಗೆ ತಮ್ಮ ಕಚೇರಿ ಪಕ್ಕದ ಕೂಗಳತೆ ದೂರದಲ್ಲಿರುವ ಕಿತ್ತುಹೋದ ನಾಲಾ ಸೇತುವೆ ಕಾಣದಿರುವುದಕ್ಕೆ ಜಾಣ ಕುರುಡು ಎನ್ನಬೇಕೋ ಅಥವಾ ದುರಸ್ತಿ ಲೆಕ್ಕದಲ್ಲಿ ಯಾರದೋ ಕಿಸೆ ತುಂಬಿಸಿದ್ದಾರೋ ತಿಳಿಯಬೇಕಾಗಿದೆ.
ಹಾಸನಕ್ಕೆ ತೆರಳುವ ರಸ್ತೆಯಲ್ಲಿ ನಾಲೆಯ ಬಲಕ್ಕೆ ತಿರುಗಿ ಸ್ವಲ್ವ ದೂರ ಏರಿ ಮೇಲೆ ತೆರಳಿದರೆ ಅಧಿಕಾರಿಗಳ `ನಿಷ್ಠಾವಂತ' ಕೆಲಸ ತಿಳಿಯುತ್ತದೆ.